Jessica Alba mori pjesë në dasmën e Taylor Swift me të dashurin 12 vjet më të ri se ajo

Jessica Alba ishte ndër shumë të ftuarit e famshëm në dasmën e Taylor Swift dhe Travis Kelce , e cila u zhvillua më 3 korrik.

Elita e Hollivudit u mblodh në Madison Square Garden të Nju Jorkut për të festuar dasmën e këngëtares së famshme dhe yllit të futbollit amerikan, transmeton Indeksonline.

Aktorja mbërriti në ceremoni e shoqëruar nga i dashuri i saj i ri, 33-vjeçari Danny Ramirez. Pas dasmës, ajo ndau disa momente romantike nga përgatitjet për takimin në rrjetet sociale.

@jessicaalba

We love love 🥰🫶🏽💒💗

♬ The Fate of Ophelia – Taylor Swift

Ajo postoi një video në TikTok ku tregonte çiftin duke u përgatitur për mbrëmjen. Ramirez e puthi ndërsa ajo mbante veshur një fustan gri, një peshqir të bardhë në kokë dhe mbulesa syri, përpara se videoja të kalonte në veshjen e tyre joshëse për ceremoninë.

Alba mbante veshur një fustan Prada të zi dhe të artë, të cilin ia kishte huazuar shoqja e saj më e mirë Kelly Sawyer për këtë rast.

Ajo e shoqëroi postimin në Instagram me këngën “Love Story” të Taylor Swift nga viti 2008. “Ne e duam dashurinë. Urime T&T – ishte një natë e bukur në nderin tënd”, shkroi ajo./Indeksonline/