Konfirmohet nga UEFA, ja ku do të luhet ndeshja e kthimit mes Malishevës dhe Vllaznisë

Ndeshja mes Vllaznisë dhe Malishevës ishte e para ku dy klube shqiptare u përballën ndaj njëra-tjetrës në garat evropiane.

Në “Loro Boriqi”, ishte Vllaznia e cila fitoi 2-1 pasi bëri një përmbysje të madhe ndaj nënkampionëve të Kosovës.

Ndërsa po ashtu u zbulua edhe vendi ku do të luhet ndeshja e kthimit, ku nuk do të jetë “Fadil Vokrri” stadiumi i kësaj ndeshje.

Ajo u zhvendos në Kampin Nacional të Hajvalisë, shkaku që Ballkani do të luajë në Prishtinë në po të njëjtën ditë ndaj Connah’s Quay Nomads.

Ndeshja Malisheva-Vllaznia, zhvillohet të mërkurën e ardhshme në orën 16:30./IndeksOnline/