Rama: Vazhdojnë punimet për renovimin e QMF-së 5 në lagjen “Dardani”-“Ulpianë”

Kryetari i Komunës së Prishtinës, Përparim Rama, ka njoftuar se po vazhdojnë punimet për renovimin e Qendrës së Mjekësisë Familjare 5 në lagjen “Dardani”–”Ulpianë”, në kuadër të projektit për rritjen e efiçiencës energjetike.

Sipas Ramës, pas përfundimit të zëvendësimit të dritareve, aktualisht po realizohet izolimi i jashtëm i objektit.

“Po rinovohet Qendra e Mjekësisë Familjare 5 në “Dardani”–”Ulpianë”. Pas zëvendësimit të dritareve, po realizohet izolimi i jashtëm i objektit, në kuadër të projektit me Bashkimin Evropian dhe BERZH-in për rritjen e efiçiencës energjetike”, ka shkruar Rama.