Mercedes-AMG GT zbulon versionin e ri
Mercedes ka prezantuar versionin e ri GT S Roadster. Ky modeli i ri do të marrë vendin ndërmjet AMG GT Roadster më të dobët dhe AMG GT C Roadster më të fuqishëm.
Mercedes publikoi fotografinë dhe detajet teknike të modelit të ri AMG GT Roadster me shenjën “S”.
Vetura ka motor 4.0 bi-turbo V8, i cili mundëson 522 kuaj fuqi, transmeton IndeksOnline. Po ashtu, ka ndërrues automatik prej shtatë shpejtësive, falë të cilit automobili prej 0 deri 100 km/h arrin për 3,8 sekonda, derisa shpejtësia maksimale është 308 km/h.
AMG GT Roadster standard ka motor prej 476 kuaj fuqi, ndërsa AMG GT C Roadster disponon me 558 kuaj fuqi.
Shitja e Mercedes-AMG GT S Roadster do të fillojë muajin e ardhshëm, ndërsa çmimi i tij në Gjermani do të jetë rreth 150,000 euro.