Askush nuk do ta besojë arsyetimin e Willian pasi mbuloi trupin e Contes me ”emoji”
Pavarsisht faktit se Antonio Conte ishte ende trajner i Chelseat, Willian vendosi të ”tallet” me të në rrjetet sociale, konkretisht në muajin maj.
Willian, i cili ka vuajtur shumë për minutazh të rregullt nën urdhrat e Contes, dukej se e shprehu mllefin e tij pas triumfit në finalen e FA Cup ndaj Manchester Unitedit.
Braziliani postoi një fotografi të skuadrës duke festuar pas finales, dhe ai e mbuloi komplet trupin e Antonio Contes me ”emoji” të ndryshëm. Dyshja në fjalë kishin raporte të këqija dhe kjo ishte arsyeja e gjithë kësaj.
Dy muaj pasi fotografia ishte postuar në Instagram, Willian ka zbuluar se fajin për gjithë këtë e kishte vajza e tij.
”Vajza ime ishte duke luajtur me telefonin tim dhe ajo i bëri këto ’emoji’ mbi trupin e Contes”, tha Willian për ESPN Brasil.
”Pas finales, udhëtova drejt Brazilit. Kur erdha këtu në mëngjes, i postova disa foto nga finalja dhe mirë, isha paksa i lodhur dhe përfundoi kështu duke i postuar në atë gjendje”.
Megjithatë, Willian pas finales së FA Cup vazhdonte ta shprehte pakënaqësinë e tij te Chelsea dhe e kërkonte largimin. Por, në sezonin e ardhshëm me trajnerin e ri, Sarrin, ai pritet të qëndrojë./IndeksOnline/
Willian has blamed his daughter for *that* Instagram photo where he covered over Antonio Conte with trophies: “She was playing with my cell phone and she ended up putting those emojis over Conte”
Don’t you hate it when that happens… #CFC pic.twitter.com/MuwOHKQP3Y
— Sporting Index (@sportingindex) August 7, 2018