Ish-ylli i Arsenalit pezullohet për gjashtë muaj nga çdo aktivitet i futbollit

Ish-anëtari i Arsenalit dhe trajneri aktual i grupmoshave, U-20 të Liberisë, Christopher Wreh është pezulluar për gjashtë muaj nga Federata e Futbollit të këtij vendi.

Wreh, gjithashtu, ka drejtuar skuadrën e Nimba United, ndërsa pezullimi i tij vjen pasi një incidenti që ai e shkaktoi me gjyqtarët e ndeshejve kur u përjashtua gjatë një ndeshje në kampionat muajin e kaluar.

Ish-reprezentuesi i Liberisë, i cili e ka fituar Premier Leaguen dhe FA Cup me Arsenalin në vitin 1998, ishte i zemëruar me përjashtimin e dy lojtarëve të tij, transmeton IndeksOnline.

Bëhet fjalë për dy lojtarët, Michael Fahnbulleh dhe Darlington Farley, të cilët gjithashtu janë pezulluar me nga një vit.

Fahnbulleh sulmoi fizikisht futbollistin e LPRC Oulers pasi ai mori karton të kuq nga gjyqtari i ndeshjes.

Ndërsa, Farley më pas sulmoi gjyqtarin e ndeshjes pasi u ndëshkua me të kuq menjëherë pas ndeshjes./IndeksOnline/