Qendra Islame e Shqiptarëve ushqen të uriturit në New York

Qendra Kulturore Islame Shqiptare në Staten Island bashkëpunoi me “Project Hospitality” për të ndihmuar të uriturit në Neë York, duke dhuruar 1.000 paund (453 kg) mish dhie.

“Një dhurim i kësaj madhësie do të thotë se ne do të jemi në gjendje të ofrojmë një mundësi të madhe Hallall si opsion, për ata që janë duke përjetuar urinë e që poashtu dëshirojnë të nderojnë edhe besimin e tyre”, tha Tracy Collins, Drejtorja e “Project Hospitality”.

Vitin e kaluar, qendra bëri një donacion prej 2,000 kile të mishit të dhisë në Stapleton, shkruan IndeksOnline.

“Ne shpërndajmë mishin mes njerëzve të varfër,” tha Moviz Siddiqi, drejtori i ICNA Relief.

Qendra Kulturore Islame Shqiptare në Staten Island Nju Jork, është një organizatë fetare dhe kulturore e themeluar në fillim të vitit 1991 dhe e planifikuar si një institucion islamik që përfshin një xhami, një shkollë, një bibliotekë, një sallë leximore dhe ritualeve fetare. /IndeksOnline/