75 Mall Live Search
18:40 / E Mërkurë, 23 Janar 2019 / indeksADMonline

Përfundojnë kërkimet edhe për sot, asnjë gjurmë nga Emiliano Sala

Nuk ka asnjë gjurmë të Emiliano Sala as në ditën e dytë të kërkimeve intenzive që po bëhen në ujërat në mes të Francës dhe Anglisë.

Policia kërkimore përmes një njoftimi në Twitter kanë bërë të ditur që kanë përfunduar kërkimet për ditën e sotme për të vazhduar nesër në mëngjes.

“Pas një kërkimi intensiv duke përdorur avionë të shumtë dhe një varkë shpëtimi gjatë nëntë orëve të fundit, nuk kemi gjetur asnjë gjurmë të avionit të zhdukur. Me dritën që po pakësohet, kërkimi do të pezullohet për një natë”, shkruhet në njoftimin e tyre.

Ata gjithashtu kanë thënë se do të merret një vendim nëse do të vazhdojnë kërkimet nesër, derisa për sonte nuk do të ketë më informacione zyrtare.

Kujtojmë se Emiliano Sala u zhduk të hënën në mbrëmje derisa po udhëtonte nga Nantes drejt Cardiffit me një aeroplan të vogël. /IndeksOnline/