Thaçi rrëfen takimin me Carl Bildt: Më erdhi në zyrë për ndarjen e Kosovës, e përzura

Presidenti i Kosovës, Hashim Thaçi, ka qenë i ftuar në emisionin “Të Paekspozuarit” në News24, ka folur për situatën politike në Kosovë.

Duke folur për fazën e fundit të dialogut për normalizimin e marrëdhënieve ndërmjet Kosovës dhe Serbisë, Thaçi ka thënë se marrëveshja përfundimtare me Serbinë nuk do të jetë e lehtë, meqë nuk ka ndonjë zgjidhje magjike.

“Unë kam besim, do të punoj për interesin e vendit tim dhe qytetarëve”, ka thënë ai.

Thaçi ka rrëfyer edhe një takim me Carl Bildt, diplomati i cili tashmë është shprehur kundër ndryshimit të kufijve.

“Carl Bildt ka ardhur tek unë dhe ka thënë thjesht duhet me u nda. Ka ardhur në zyrën time ka thënë kjo pjesë është e humbur për Kosovën dhe duhet të ndahet. Unë i kam thënë, nuk mund të diskutoj gjëra të tilla, kaq, tung”, u shpreh Thaçi.