Rritet numri i azilkërkuesve shqiptarë në muajt e fundit

Shifrat e fundit nga institucionet evropiane tregojnë që numri i azilkërkuesve shqiptarë dita- ditës po rritet dhe se Shqipëria mbetet në 10 vendet e para me numrin më të madh të azilkërkuesve.

Vitin e kaluar, shqiptarët u renditen në pozitën e 9-të, duke e lënë prapa vetëm Gjeorgjinë, transmeton Indeksonline.

Vitin e kaluar 21.900 aplikime ishin bërë për azil. Shifrat e fundit tregojnë që në tre mujorin e fundit, numri i azilkërkuesve është rritur ndjeshëm, me një mesatare prej 2000 aplikacionesh në muaj.

Muaji tetor i vitit të kaluar ishte muaji me më së shumti aplikime, saktësisht 2500 aplikime./Indeksonline/