Dështon kompenzimi financiar për kompaninë kosovare, pas reagimit të ministrit Tahiri

Në mbledhjen e sotme të Qeverisë së Kosovës njëra nga pikat e parapara ka qenë kërkesa për kompenzim financiar të kompanisë “Euromaks”, e cila ishte djegur kohë më parë.

Kërkesa ishte bërë në Qeveri nga Ministria e Tregtisë. Por, në mbledhjen e sotme ka reaguar Ministri i Drejtësisë, Abelard Tahiri.

Sipas Tahirit, nuk ka asnjë bazë dhe dokument që shpjegon natyrën e dëmtimit të kësaj kompanie.

Për këtë, Tahiri ka kërkuar informacione shtesë nga ministria dhe gjykata lidhur me dëmin e shkaktuar.

Pas reagimit të Tahirit, kryeministri Haradinaj është pajtuar me këtë duke kërkuar informacione dhe dokumente shtesë lidhur me këtë rast./Indeksonline/