Faktet e papritura për dashurinë që janë zbuluar vitet e fundit

Shkencëtarët, në kërkimet e tyre për të gjetur përgjigje për të gjitha pyetjet që kanë të bëjnë me dashurinë, kanë dalë me përfundime vërtet të habitshme.

Janë disa fakte të reja psikologjike që janë të dobishme për ata që duan të kuptojnë se çfarë është dashuria, shkruan Bright Side, transmeton Indeksonline.

Çdo gjë varet nga puthja e parë. Një studim i kryer nga Universiteti i Oksfordit ka zbuluar se puthja e pare mund të përdoret për të vlerësuar aspektet e përshtatshmërisë së një burri apo një gruaje potenciale.

Njerëzit që kanë jetuar me njëri-tjetrin për më shumë se 25 vjet zhvillojnë karakteristika të ngjashme të fytyrës. Shkencëtarët nga Universiteti i Miçiganit kanë studiuar konvergjencën në pamjen fizike të bashkëshortëve. Rezultatet tregojnë se pas 25 vjetësh së bashku, ka një ngjashmëri të dukshme.

Eksperienca e parë seksuale parashikon rezultate romantike në të ardhmen.Shkencëtarët nga Universiteti i Teksasit në Austin kanë arritur në përfundimin se ata që kishin përvojën e parë seksuale pas 19 vjetëve, kanë më shumë gjasa të kenë marrëdhënie më të lumtur romantike në moshë madhore. Subjektet me iniciativë të mëvonshme seksuale u konsideruan më të besueshme për marrëdhënie afatgjata.

Filmat romantikë ndihmojnë partnerët të rikthejnë dashurinë.

Martesat bashkëkohore kërkojnë vetë-realizim. Eli J. Finkel, së bashku me kolegët e tij nga Universiteti Northwestern, ka studiuar arsyet kryesore që çojnë në divorc. Rezultatet kanë treguar se në marrëdhëniet moderne, partnerët presin më shumë kënaqësi psikologjike, ndërsa në të kaluarën ata donin të plotësonin nevojën e tyre për siguri.

Burrat me IQ më të lartë kanë më pak gjasa të mashtrojnë partnerët e tyre.
Sa i përket grave, niveli i IQ-së nuk kishte ndonjë ndikim në besnikërinë e tyre./Indeksonline/