Golden State siguron vendin e parë në perëndim
Golden State siguron matematikisht vendin e parë në Konferencën e Perëndimit, pas fitores 131-104 ndaj Clippers. Pas një pjese të parë të ekuilibruar, skuadra kampione shkëputet në pjesën e dytë, me 7 lojtarë që realizuan mbi 10 pikë. Curry me 27 pikë ishte shënuesi më i mirë.
Fiton edhe Houston, që mundi 149-113 Phoenix, duke synuar vendin e dytë në Perëndim. Ndeshje e mirë e Harden, që realizoi 30 pikë e 13 rebound, mbështetur edhe nga Gordon me 26 pikë.
Fitorja e dytë radhazi për Lakers, që mundi 113-109 Utah Jazz, ndeshje ku herë udhëhiqte njëri ekip e herë tjetri. Pope me 32 pikë ishte shënuesi më i mirë.
Milwaukee dominon në Lindje, duke mundur 115-107 Atlanta, ndeshje ku vendasit kishin një epërsi të lehtë gjatë gjithë kohës. Antetokounmpo realizoi 30 pikë, duke bërë diferencën në parket.
Jashtë fushe fiton San Antonio, që mundi 112-90 Cleveland, sfidë ku Aldridge me 18 pikë ishte shënuesi më i mirë.
NBA – Rezultatet e sotme
Toronto – Miami, 117-109
Cleveland – San Antonio, 90-112
Minnesota – Oklahoma, 126-132
Detroit – Charlotte, 91-104
Indiana – Brooklyn, 96-108
Memphis – Dallas, 127-129
Houston – Phoenix, 149-113
Milwaukee – Atlanta, 115-107
Boston – Orlando, 108-116
New York – Washington, 113-110
Golden State – Clippers, 131-104
Portland – Denver, 115-108
Sacramento – New Orleans, 129-133
Lakers – Utah Jazz, 113-109
