Për dy muaj çdo komunë e Kosovës do të ketë noterë

Ministri i Drejtësisë, Abelard Tahiri njoftoi sot se që nga e premtja do të hapet konkurs për noterë.

Tahiri tha se  një numër i komunave nuk ka pasur fare noter. Sipas tij këta dy muajt e ardhshëm çdo komunë e Kosovës do të ketë noterë.

Ndërsa kryesuesi i Këshillit Gjyqësor Skënder Çoçaj tha se në këtë takim me ministrin Tahiri kanë folur për krijimin e departamentit special brenda Gjykatës Themelore në Prishtinë.

“Ne i kemi ndërmarrë të gjitha veprimet. Këshilli Gjyqësor planifikon që deri në qershor të bëjë të gjitha planifikimet që ky depertament të funksionalizohet”, tha Çoçaj.

 Kryesuesi i Këshillit Prokurorial, Bahri Hyseni  tha se njëra prej  çështjeve që është diskutuar sot është disiplinimi i gjyqtarëve dhe prokurorëve.

“Kemi bërë një avancim të kësaj çështje pasi KPK dhe KGJK i kanë bërë draftet  në lidhje me këtë.