Deputeti kosovar kërkon urgjentisht vendosjen e çmimeve në tregje, tregon një storie interesante

Deputeti i Kuvendit të Kosovës nga radhët e AAK-së, Gani Dreshaj njihet si një biznesmen i suksesshëm i vendit tonë.

Dreshaj, duket se jo gjithmonë ka ‘fat’, sa i përket tregëtisë. Së fundmi, i njëjti pretendon se është mashtruar nga një shitës ambulant, shkruan Indeksonline.

Disa perime, Dreshajt i kanë kushtuar hiç më pak se 78 euro.

“Nuk është me rëndësi vlera e paguar, sa është për keqardhje që kaq shumë vite pas lufte, e shtetësie, ende marketet tona paguajnë pa kupona fiskalë, pa çmime të produkteve e pa dhënie llogarie tek blerësi. E kam fituar bindjen se shumë shitës në Kosovë caktojnë shumën e produkteve në bazë të dukjes së veturave apo tabelave të regjistrimit që kanë”, ka shkruar mes tjerash ai në llogarinë e tij në Facebook.

Dreshaj ka edhe një kërkesë kundrejt ministrit Endrit Shala.

“I bëj thirrje ministrit Endrit Shala që të ndërmerrë masa dhe në të gjitha tregjet e Kosovës dhe shitjeve ambulantive të vendosen çmimet e produkteve sepse kështu respektohet konsumatori dhe shteti”, ka shkruar tutje ai.

Shkrimi i tij i plotë në Facebook:

Besoni apo jo, këto perime të blera sot në Pejë, tek një shitës ambulant më kanë kushtuar plot 78 euro.

Nuk është me rëndësi vlera e paguar, sa është për keqardhje që kaq shumë vite pas lufte, e shtetësie, ende marketet tona paguajnë pa kupona fiskalë, pa çmime të produkteve e pa dhënie llogarie tek blerësi.

E kam fituar bindjen se shumë shitës në Kosovë caktojnë shumën e produkteve në bazë të dukjes së veturave apo tabelave të regjistrimit që kanë.

I bëj thirrje ministrit Endrit Shala që të ndërmerrë masa dhe në të gjitha tregjet e Kosovës dhe shitjeve ambulantive të vendosen çmimet e produkteve sepse kështu respektohet konsumatori dhe shteti.

G.D