U kapën me drogë, arrestohen katër persona në Klinë

Policia e Kosovës, konkretisht Njësitet policore të stacionit policor në Klinë, me datën 23.04.2019 rreth orës 18:20 në rr.’ Abedin Rexha’ kanë ndaluar automjetin ‘Land Rover’ dhe gjatë kontrollit të 4(katër) personave që ishin në makinë është gjetur sasi narkotikësh.

Të gjithë të dyshuarit janë shoqëruar në stacionin policor në Klinë për të zhvilluar procedurat ligjore ndaj tyre. Është konfiskuar sasia e gjetur e substancës narkotike prej 21.6 gram dhe lidhur me ketë është njoftuar edhe prokurori i shtetit dhe Njësiti i Drejtorisë për Hetimin e Narkotikëve DRP Pejë, të cilët kanë vazhduar me hetimin e këtij rasti, transmeton Indeksonline.

Pas intervistimit të dyshuarve nga hetuesit rajonal, me urdhër të prokurorit shtetit, 3(tre) të dyshuar lirohen në procedurë të rregullt, ndërsa njëri nga të dyshuarit ndalohet për 48 orë. /Indeksonline/