I pamëshirshëm dhe i parezistueshëm, Ronaldo e dërgon në finale Portugalinë

Portugalia ka kaluar në finale të Play-off të Nations League pasi ka mposhtur Zvicrën me rezultat 3-1.

Të tre golat për portugezët në këtë ndeshje i shënoi futbollisti më i mirë në historinë e tyre, Cristiano Ronaldo.

Sulmuesi i Juves shënoi në minutën e 25-të një gol të bukur nga gjuajtja e lirë, shkruan Indeksonline.

Rodriguez barazoi rezultatin në minutën e 57-të me një gol nga penalltia.

Kur pritej që ndeshje të shkonte në vazhdime u rikthye në skenë përsëri Cristiano Ronaldo.

Fillimisht shënoi në minutën e 88-të një gola nga brenda zonës pas një krosimi të ulët nga Silva.

Ronaldo shënoi golin e tretë personal në minutën e 90-të pas një depërtimi të bukur në zonën zvicerane.

Në finale Portugalia do të luaj me fituesin e ndeshjes Angli – Holandë që do të zhvillohet nesër. /IndeksOnline/