Hoti huazoi 5 mijë euro për të blerë truall

Ish-ministri i Financave, Avdullah Hoti, për të blerë truall të ri ka përdorur një metodë goxha të vjetër.

Ai nga një person ka huazuar 5 mijë euro, e kthimin e të cilave nuk e ka me afat të caktuar.

Përveç  5 mijë eurove, Hoti në deklarimin e pasurisë ka bërë të ditur se ka edhe një borxh tjetër, kësaj radhe në formë të kredisë, përcjellë Indeksonline.

Këtë kredi deputeti i LDK-së i ka marrë në prill të viti të kaluar ndërsa do e përfundojë në fund të viti 2020.

Shuma e kësaj kredie është mbi 27 mijë e 600 euro, derisa është marrë për të blerë një banesë.

Hoti si pronë të përbashkët ka deklaruar tri banesa.

Njëra e blerë nëntë vite më parë në vlerë prej 68 mijë euro, tjetra 60 mijë eurosh dhe e fundit në vlerë prej 105 mijë eurosh e blerë viti e kaluar.