Mësuesja dënohet me 20 vite burg, kishte kryer marrëdhënie me nxënësin e saj 13 vjeçar

Brittany Zamora, 28 vjeç, nga Goodyear, Arizona, u dënua me 20 vjet burg të premten.

Ajo u deklarua fajtore vitin e kaluar me akuzën se kishte kryer marrëdhënie seksuale me një nxënës 13-vjeçar, të cilin e mësoi në Akademinë e Las Brisas, raporton DailyMail, përcjellë Indeksonline.

Një lidhje mes të dyve filloi me mesazhe dhe shpejt përparoi në kontaktin seksual, thanë zyrtarët.

Ajo dyshohet se ka fjetur me të katër herë në makinën e saj dhe në klasën e saj të shkollës.

Zamora, e cila është e martuar, i dërgonte të miturit edhe fotot e veta nudo.

Ajo u arrestua në mars 2018, pasi prindërit e adoleshentit instaluan Sentry Parental Control, e cila monitoron aplikacionet e mesazheve për ‘përmbajtje ose sjellje të dyshimtë’.

“Unë jam një person i mirë dhe i sinqertë që bëri një gabim dhe jam penduar shumë”, tha Zamora gjatë një seance të premtën në mëngjes, sipas Republikës së Arizonës.

“Kam jetuar jetën time duke respektuar dhe duke u përpjekur t’i bindem çdo ligji. Unë nuk jam një kërcënim për shoqërinë në asnjë mënyrë.” – citoi ajo.

Pasi i kërkoi falje viktimës dhe familjes së saj, ajo i tha gjykatësit Sherry Stephens se ajo ka në plan të fillojë të studioj në burg në mënyrë që ajo të mund të fillojë një jetë të re kur ajo të dalë, njoftoi gazeta.

Për kushtet e dënimit të saj, ajo nuk mund të lirohet në sjellje të mirë. Kjo do të thotë se kur Zamora ta përfundojë denimin e saj, ajo do të jetë 48 ose 49 vjeç./Indeksonline/.