Edhe pse policia shqiptoi mbi 200 mijë dënime në 2019, aksidentet vetëm sa shtohen

Aksidentet e trafikut do të jenë njëra nga gjërat që do simbolizojnë vitin 2019-të.

Vetëm gjatë ditës së sotshme dy persona vdiqën si pasojë e aksidenteve, shkruan Indeksonline.

Duke i parë aksidentet e shumta, policia është bërë më e ashpër në shqiptimin e tiketave në trafik, duke e rritur numrin e tyre.

Indeksonline ka kontaktuar me Policinë e Kosovës rreth statistikave për shqiptimin e tiketave në trafik.

Vetëm në gjashtë mujorin e parë janë shqiptuar 200 mijë e 441 tiketa. Në krahasim me vitin e kaluar, ky numër është rritur për afro 16 mijë.

Në gjashtë mujorin e parë të vitit 2018-të, policia kishte shqiptuar 184 mijë e 801 tiketa trafiku.

Mos respektimi i shpejtësisë së kufizuar është arsyeja se pse më së shpeshti janë dënuar qytetarët.

Dënimet më shpeshta për gjashtëmujorin e parë të viti 2019 janë:

Mos respektimi i shpejtësisë së kufizuar 43.44%

Rripi i sigurisë 10.94%

Parkimi i pa rregullt 10.62%

Mos respektimi i shenjave të trafikut 5.40%.

Rajoni ku më së shumti shqiptohen tiketat është ai i Prishtinës. Nga numri i përgjithshëm i tiketave rajoni i Prishtinës merr pjesë me 26.10%.

Më poshtë keni listën e plotë të rajoneve sa i përket tiketave të shqiptuara.

Prishtinë 26.10%

Prizren  14.08%

Ferizaj  12.77%

Autostradë  10.89%

Gjilan  10.19%

Gjakovë  9.03%

Pejë  8.89%

Mitrovicë Jugu 6.64%

Mitrovicë veri 1.37%./Indeksonline/