Sulmi El Paso në Teksas, “duket se është krim i urrejtjes”

Një gjuajtje në një supermarket në shtetin amerikan të Teksasit që la 20 të vdekur mund të ishte një krim i urrejtjes, thonë zyrtarët.

Një 21-vjeçar u arrestua në dyqanin Walmart ku sulmi u zhvillua në qytetin El Paso, të Shtunën afër kufirit SHBA-Meksikë.

Një dokument i postuar pak para sulmit dhe që besohet se ishte shkruar nga ai person, duket se kishte shprehur pikëpamje të bardha nacionaliste dhe raciste, transmeton Indeksonline.

Zyrtarët nuk kanë ofruar një motiv të saktë për sulmin, i cili gjithashtu la 26 të plagosur, por Shefi i Policisë El Paso Greg Allen tha që hetuesit po shohin një dokument që mund të tregonte një “lidhje të mundshme për një krim të urrejtjes”.

Dokumenti me katër faqe, që raportohet se ishte postuar rreth 20 minuta para se policia të merrte thirrjen e parë urgjente, shpreh mbështetje për personin e armatosur që vrau 51 persona në Christchurch, Zelanda e Re, në mars./Indeksonline/