Gjendja e aktorit Kevin Hart, pas aksidentit të rëndë me makinë

Komediani dhe aktori Kevin Hart u dërgua në spital me “plagë të mëdha në shpinë” të Dielën pas një aksidenti automobilistik në Los Angeles, transmeton Indeksonline.

Sipas Patrullës së Autostradës në Kaliforni, Hart ishte në një makinë të tipit Plymouth Barracuda të vitit 1970 të modifikuar në autostradën Mulholland në kohën e aksidentit.

Shoferi, Jared Black, humbi kontrollin e makinës duke u rrotulluar me ç’rast mbetën të lënduar rëndë pasagjerët e makinës.

Aktori i njohur Kevin Hart pësoi lëndime të mëdha në shpinë por raportohet se është ‘në gjendje të ecë dhe të lëvizë ‘ pasi u përfshi në një aksident të rëndë automobilistik në orët e para të mëngjesit të së Dielës.

Sipas The Blast, megjithëse ai mund të lëvizë, patjetër duhet t’i nënshtrohet operacionit, ylli i “Jumanji” nuk pësoi lëndime kurrizore dhe pritet të bëjë një rikuperim të plotë.

Hart është i njohur për komeditë e tij të qëndrueshme dhe rolet komike në filma si : “Ride Along” apo “The Secret Life of Pets”. /Indeksonline/