U pengua ta priste shiritin përurues, Bahtiri thotë se kjo u bë nga militantë të PDK-së
Kryetari i Komunës së Mitrovicës, Agim Bahtiri, nuk u prit aspak mirë nga bashkëqytetarët e tij, madje ai u quajt analfabet.
Kjo ndodhi sot gjatë përurimit të shkollës “Ismail Qemaili” në Mitrovicë, ku Bahtirit iu pamundësia prerja e shiritit, shkruan Indeksonline.
Bahtiri ka reaguar pas këtij incidenti, derisa fajin ia ka hedhur nipit të kryetarit të Kuvendit, Kadri Veselit.
Ky është reagimi i Bahtirit, bërë në llogarinë Facebook:
Në ditën e parë të fillimit të vitit të ri shkollor, sot isha në hapjen e shkollës “Ismail Qemali” në lagjen Bair e cila sapo është ndërtuar dhe ka kushte bashkëkohore të punës.
Mirëpo, një grup i militantëve të PDK-së që është udhëhequr nga Hylmi Veseli, djali i vëllait të Kadri Veselit, kanë tentuar në mënyrë të dhunshme të më pengojnë në hapjen e shkollës, por që nuk i’a kanë arritur. Veselët nuk mund të më ndalin dot, ashtu siç nuk kanë mundur asnjëherë.
E di që PDK-ja e ka përjetuar rëndë aderimin tim dhe degës së AKR-së në Lëvizjen Vetëvendosje, por askush në botë nuk mund të ma diktoj punën time dhe askush nuk të më frikësoj.
Veprimet banditeskte të këtij grupi të vogël të udhëhequr nga nipi i Kadri Veselit, u kundërshtuan fuqishëm nga prindërit e fëmijëve, të cilët në vend se ditën e parë ta prisnin me gëzim, u traumatizuan nga këtë bandit.
Unë do ta vazhdoj rrugën time, pa pavarësisht sfidave që më dalin. Uraganin e fitores së 6 tetorit dhe bërjen e Albin Kurtit kryeministër nuk mund ta ndalë askush, sepse qytetarët e kanë kuptuar se vetëm ai mund ta ndalë krimin dhe korrupsonin.
