S’e paguan për Krishtlindjet, futet në hotel me ekskavator

Një punëtor i zemëruar pranoi se hyri me ekskavator në recepsionin e një hoteli në Liverpul, pasi punëdhënësit nuk e paguan për Krishtlindjet.

John Manley shkatërroi hyrjen e hotelit në 21 janar të këtij viti, ditën kur ndërtesa do të përfundonte ndërtimin e saj. Incidenti u xhirua nga disa dëshmitarë në vendngjarje.

Në video dëgjohet edhe punëtori që bërtet, duke thënë se i kanë borxh para’.

Avokati mbrojtës i 35-vjeçarit ka thënë se klienti i tij pranon gjithçka, por veprimin e ka kryer pasi punëdhënësit nuk e paguan për Krishtlindjet dhe i kërkuan të vazhdonte punën pa shpërblim në ditët para Vitit të Ri.

Dënimi për John Manley do të shqiptohet më 1 nëntor.