Kusari-Lila: Nuk garojmë në listë të përbashkët me AAK/PSD dhe PDK

“Sot kemi informuar edhe partitë politike AAK/PSD dhe PDK se nuk garojmë në listë të përbashkët me asnjërën nga të lartëpërmendurat”, shkruan Mimoza Kusari-Lila.

Mimoza Kusari-Lila përmes një postimi në Facebook bëri të ditur se subjekti tyre “Alternativa” ka pasur ofertë prej disa partive për përfshirje në listë, transmeton Indeksonline.

Ajo tha se Alternativa si parti e re dhe në mandatin e kaluar opozitare, i qëndron besnike parimeve dhe qëndrimeve të prezantuara deri më sot.

Për formatin e pjesëmarrjes e tyre në zgjedhjet e 6 Tetorit, Kusari-Lila tha se do të ju informojë së shpejti./Indeksonline/

Postimi i plotë:

Të nderuar miq dhe mbështetës,

Në vijim të lajmeve për mundësitë e përfshirjes në listë të kandidatëve të Alternativës me ndonjë parti politike, ju informojmë se subjekti ynë ka pasë ofertë prej disa partive për përfshirje në listë.
Alternativa si parti e re dhe në mandatin e kaluar opozitare, i qëndron besnike parimeve dhe qëndrimeve të prezantuara deri më sot.
Andaj, sot kemi informuar edhe partitë politike AAK/PSD dhe PDK se nuk garojmë në listë të përbashkët me asnjëren nga të lartëpërmendurat.

Për formatin e pjesëmarrjes tonë në zgjedhjet e 6 Tetorit do të ju informojmë së shpejti.

Ju faleminderit për interesimin tuaj!