Qëllohet me armë në kokë avokati i reperit të njohur amerikan

Avokati suedez Henrik Olssen Lilja, i cili përfaqëson reperin, ASAP Rocky është plagosur në një gjuajtje në Stokholm.

Siç raporton Forbes , Lilja u qëllua në gjoks dhe kokë të premten nga një sulmues ende i panjohur, transmeton Indeksonline.

Lilja thuhet se e thirri vetë policinë dhe u dërgua menjëherë në një spital.
Policia ka arrestuar disa të dyshuar të cilët janë marrë në pyetje, megjithëse tani rasti po trajtohet si një incident i izoluar. 

 Dëshmitarët pretendojnë se kanë parë një person të sulmojë avokatin duke e përplasur atë në tokë para se ta qëllonin të paktën dy herë.

Sipas TMZ , incidenti ndodhi jashtë një kompleksi apartamentesh ku Lilja besohet se banon. 

Ende nuk dihet për gjendjen e tij shëndetësore. Besohet se policia ende nuk ka kapur njeriun përgjegjës për sulmin./Indeksonline/