Veselinoviqi braktis mbledhjen e KQZ-së, i pakënaqur me vendimin për dokumentet e votimit

Anëtari i Komisionit Qendror Zgjedhor Stevan Veselinoviq e ka braktisur mbledhjen e këtij komisioni për shkak të marrjes së vendimit që dokumentet e identifikimit të votuesve gjatë zgjedhjeve të jashtëzakonshme në Kosovë duhet të jenë të lëshuara në Kosovë.

“Është shkelur neni 90 i Ligjit të zgjedhjeve dhe neni 16 i Rregullit për zgjedhjet nr. 09/2013 ku thuhet qartë se për votim si mënyrë e identifikimit të votuesve përdoren të gjitha dokumentet e vlefshme me përjashtim të patent shoferit i cili duhet të jetë lëshuar në Kosovë”, ka thënë Veselinoviq në kumtesë.

Veselinoviqi ka thënë se kjo urdhëresë administrative i shkel rregullat zgjedhore të cilat KQZ-ja është i obliguar t’i zbatojë.

Ai ka thënë se ky vendimi KQZ-së “në mënyrë të drejtpërdrejtë është drejtuar kundër popullit serb në Kosovë dhe se ka për qëllim t’i pamundësojë serbët të votojnë dhe t’i zgjedhin përfaqësuesit e tyre”, pretendohet në komunikatë.