Vdes një çiklist – goditet nga një veturë, në Shtime

Në një aksident trafiku të ndodhur  me 19.09.2019 rreth orës  20:05 minuta në rrugën “Ismail Qemajli”, në Shtime , një person ka pësuar lëndime të rënda trupore.

Sipas raporteve të para, ngasësi i automjetit transpotues  me targa lokale,  E.Q. ( m/sh/k 35  vjeç), godet çiklistin  F.I. (m/sh/k 30 vjeç) , me ç’rast ai  pëson lëndime të rënda trupore.

I  lënduari është dërguar fillimisht në ambulancë në Shtime e pastaj në QKUK – Prishtinë për trajtim mjekësor ku nga mjeku kujdestar kemi pranuar informatën se  nga lëndimet e pësuara ai ka ndërruar jetë.

Trupi i pajetë i viktimës, me urdhër të Prokurorit të shtetit dërgohet për obduksin, ndërsa  ngasësi i  automjetit është ndaluar për 48 orë.