Udhëheqësit botërorë flasin në Asamblenë e Përgjithshme të OKB në Ditën Ndërkombëtare për Zhdukjen e Armëve Bërthamore

Këtë të enjte, bota shënon Ditën Ndërkombëtare për eliminimin e plotë të armëve bërthamore, të themeluar nga Asambleja e Përgjithshme e Kombeve të Bashkuara (UNGA) më 5 dhjetor 2013 për të rritur ndërgjegjësimin mbi kërcënimin që paraqesin armët bërthamore ndaj njerëzimit, transmeton Indeksonline.

Udhëheqësit botërorë po japin fjalime në Asamblenë e Përgjithshme të Kombeve të Bashkuara në Ditën Ndërkombëtare për eliminimin e plotë të armëve bërthamore.

Eleminimi total i armëve bërthamore është një nga qëllimet më të vjetra të Kombeve të Bashkuara. Ishte objekt i rezolutës së parë të Asamblesë së Përgjithshme në 1946. Kjo temë, së bashku me atë të çarmatimit të përgjithshëm dhe të plotë, është përfshirë në agjendën e Asamblesë së Përgjithshme që nga viti 1959./Indeksonline/