Futbollistet e Kosovës zhvillojnë stërvitjen e fundit para ndeshjes me Estoninë

Kombëtarja e Kosovës në konkurrencën e femrave e ka zhvilluar sonte stërvitjen e fundit para ndeshjes së nesërme kundër Estonisë, në kuadër të kualifikimeve për Euro 2021.

Stërvitja u zhvillua në stadiumin “Tartu Tamme” ku edhe do të zhvillohet nesër ndeshja, duke filluar në orën 18:15.

Atmosfera në kampin e Dardaneve është shumë e mirë dhe të gjitha futbollistet janë të gatshme për lojë dhe e presin këtë duel me entuziazëm dhe dëshirë të madhe për të realizuar fitoren e dytë në këto kualifikime.