Ambasadori gjerman përshëndet deklaratën e Veselit për ‘ngrirjen e emërimeve të noterëve të rinj’

Ambasadori i Gjermanisë në Prishtinë, Christian Heldt, ka reaguar për procesin e emërimit të noterëve të rinj të Kosovës, duke thënë se emërimi i noterëve të rinj duhet të jetë sipas standardeve ndërkombëtare.

Postimi i plotë në Twitter:

Mirëpres sqarimin e djeshëm në televizion nga kryetari i PDK-së Kadri Veseli, duke mos parë pse duhet të nxitohen këto nominime tani. Nuk është personale, por politike, ka të bëjë me shqetësimet e ngritura në nivelin profesional të noterëve, të cilët dëshirojnë që Kosova të bashkohet në këtë familje ndërkombëtare.

Ndryshe, ministri i Drejtësisë në largim, Abelard Tahiri, disa kohë më parë pati reaguar kundrejt Zyrës së Bashkimit Evropian në Kosovë, e cila i ka bërë thirrje Qeverisë në largim që ta pezullojë procesin e emërimit të noterëve të rinj deri në krijimin e Qqeverisë së re.

Tahiri ka deklaruar se me gjithë thirrjen e yrës së BE-së në Kosovë, e cila ka kërkuar që ky proces të pezullohet, procesi i emërimit të noterëve është legjitim.