SHBA “Shkëmbi” organizon ecje në natyrë, dedikuar grave me kancer gjiri

Gjatë muajit tetor janë zhvilluar shumë programe të ndryshme në lidhje me ndërgjegjësimin për kancerin e gjirit.

Shoqata bjeshkatare alpiniste “Shkëmbi” ka organizuar ecje, duke ua dedikuar të gjitha grave që janë në betejë me kancerin e gjirit.

Ja njoftimi:

”Kur degjova fjalën drithëruese “Është kancer”, isha 41- vjeçare dhe nënë e dy fëmijëve.

Nga ai çast jeta dhe trupi im ndryshuan përgjithmonë, por në këtë betejë disavjeçare asnjëherë nuk rreshta se luftuari dhe shpresuari se një ditë do t’ia dale mbanë.

Është ky një fragment i shkruar i Edonës vetëm nga njera prej atyre grave te prekura nga kanceri i gjirit.

Kjo ecje iu dedikua të gjitha grave që janë në betejen e kancerit të gjirit dhe të gjithë atyre që me shpirt luftark që nuk u dorëzuan asnjëherë.

Së bashku mund t’ia dalim, lereni që besimi të jetë më i madh sesa frika!

Fillimi i tetorit nënkupton fillimin e Muajit të Ndërgjegjësimit për Kancerin e Gjirit. Muaji i Vetëdijësimit për Kancerin e Gjirit, i shënuar në vende të ndryshme të botës çdo tetor, ndihmon në rritjen e vëmendjes dhe mbështetjes për vetëdijen, zbulimin dhe trajtimin e hershëm, si edhe kujdesin për këtë sëmundje.

Faleminderit Fjorde për idenë dhe fjongat, si edhe të gjithë ju antarëve të shoqates sonë që ishit në këtë ecje të realizuar në Lumin e Gashit, vend përrallor.