Pioli lavdëron skuadrën edhe pas humbjes, ka kritika për një lojtar

Milani u mposht nga Lazio në San Siro pas 30 vitesh.

Trajneri i kuqezinjve, Stefano Pioli ka vlerësuar punën e skuadrës edhe pse nuk arriti të marr pikë nga kjo ndeshje.

“Nuk jam brenda labirintit! Skuadra po rritet. Ishte e rëndësishme të fitonim edhe për moralin, por ekipi dha më të mirën. Rruga është e duhura. Luftuam për 95 minuta. Djemtë nuk i pashë të frikësuar”, ka thënë Pioli.

Ai ka një kritikë për futbollistin e ri, Leao i cili u inkuadrua në pjesën e dytë.

“Prisja më shumë nga ai! Duhet të na jepte freski. Ka potencial, por duhet të bëjë më shumë. Nuk ishte në lartësi. Nuk dua të drejtoj gishtin kundër askujt, por vetëm me sakrificë dhe punë arrihet rezultati”, ka thënë ndër të tjerash trajneri. /IndeksOnline/