Video që vërteton se Zhegrova pati paraqitjen më të mirë në jetë

Mesfushori Edon Zhegrova në janar u transferua nga Genku në Basel. Njohësit e futbollit e cilësuan si vendim të duhur nga kosovari.

Megjithatë gjërat nuk kanë shkuar ashtu siç pritej. Trajneri Marcel Koller nuk i dha hapësirë Zhegrovës, duke e inkuadruar në vetëm 14 ndeshje kampionale, por vetëm 4 herë nga fillimi.

Mediumet zvicerane gjatë javës së kaluar raportuan se ‘martesës’ Basel – Zhegrova do t’i vijë fundi së shpejti.

Por paraqitja e fundit e 20 vjeçarit kundër Xamaxit mund të ketë ndryshuar gjerat.

Ish futbollisti i Prishtinës, u inkuadrua në lojë nga minuta e 16-të dhe pati paraqitjen më të mirë si futbollist profesionist, shkruan Indeksonline.

Përveç asistimit te goli i Kemal Ademit, ai pati disa raste të mira për gol.

/Indeksonline/