Gjermani: Një i vdekur e 25 të plagosur nga një shpërthim
Të paktën një person ka vdekur dhe 25 të tjerë janë plagosur në një shpërthimi, që ndodhi në qytetin lindor gjerman, Blankenburg.
Zëdhënësi i policisë i ka thënë agjencisë gjermane të lajmeve DPA se një person u gjet i vdekur në ndërtesën e banimit ku ndodhi shpërthimi.
Më herët, policia e Magdeburgut përmes Twitterit tha se të paktën 25 persona u plagosën si pasojë e shpërthimit, ku disa prej tyre janë në gjendje kritike.
Shpërthimi ndodhi rreth orës 08:55 mëngjesin e sotëm, sipas kohës lokale, në një nga banesat e një ndërtese 5-katëshe në rrugën “Bertolt Brecht”.
Shkaku i shpërthimit ende mbetet i panjohur.
