Leclercu nënshkroi kontratë të re me Ferrarin
Charles Leclerc, i ardhur një vit më parë te Ferrari, ka rinovuar sot kontratën me makinën italiane deri në vitin 2024.
Piloti do të garojë kështu edhe për 5 sezone të tjera me “kokëkuqen”.
Në sezonin e tij të parë me Ferrarin, 22-vjeçari arriti 2 fitore dhe 7 “pole position”, duke u klasifikuar më mirë se shoku i tij i skuadrës, Sebastian Vettel.
2 Wins ?
— Scuderia Ferrari (@ScuderiaFerrari) December 23, 2019
4 Fastest laps ?
7 Poles ?
10 Podiums ?
…and a contract extension to 2️⃣0️⃣2️⃣4️⃣ ✍️
We’re delighted to announce that @Charles_Leclerc will be with us until 2024 ?#essereFerrari ? #Charles2024 pic.twitter.com/Gv8BAfrFAh
Sipas mediave italiane, Leclercu do të përfitojë 9 milionë euro në sezon, 3 herë më shumë nga paga aktuale.
Një dhuratë e bukur për Krishtlindje kjo për Leclercun, që këtë sezon nuk zhgënjeu në paraqitjen e tij të parë me makinën italiane.
Rezultatet në pistë duket se kanë bindur drejtuesit e “kokëkuqes” t’i rinovojnë kontratën pilotit, që konsiderohet si e ardhmja e Formula 1.
Extremely happy to announce that I will be staying with @scuderiaferrari for 5 more years. I’m so grateful to be driving for such a team. I’ve learnt so much during this first year with the team and it is a great starting point to build a strong relationship for the years ahead. pic.twitter.com/3VPtbsCZT1
— Charles Leclerc (@Charles_Leclerc) December 23, 2019
“Ky ishte një vendim natyral nga ana jonë dhe jemi të kënaqur që do të bashkëpunojmë edhe 5 vjetët e ardhshëm”, tha Mattia Binotto, drejtori sportiv i Ferrarit.
Tashmë mbetet për t’u mësuar emri i pilotit të dytë të Ferrarit për sezonin 2021, teksa rinovimi i Vettelit duket në dyshim.
Max Verstappeni dhe Lewis Hamiltoni janë dy kandidatë për të ardhmen e “kokëkuqes”.
