Molliqaj: LDK – VV po e bllokojnë shtetin sot vetë për po të njëjtat arsye të PDK-së dikur

Kryetari i PSD-së, Dardan Molliqaj ka kritikuar LDK-në dhe VV-në, duke thënë se këto dy subjekte politike po bëjnë pazare për pushtetarët.

Molliqaj përmes një statusi në Facebook ka thënë se shpërfaqja e parë e popullistëve ndodh kur fillojnë t’i bëjnë vetë të gjitha veprimet e qeverive që dikur i kishin kundërshtuar.

Ja postimi i plotëL:

Shpërfaqja e parë e popullistëve ndodhë kur fillojnë t’i bëjnë vet të gjitha veprimet e qeverive që dikur i kishin kundërshtuar.

– Me të drejtë e kundërshtonin bllokimin e shtetit nga PDK-ja dikur, por ja ku po e bllokojnë sot vet për po të njëjtat arsye të PDK-së dikur;

– Me të drejtë e akuzonin pushtetin e kaluar që po e lë Kosovën pa buxhet, për interesa partiake e personale, por sot vet po e bëjnë këtë për po të njëjtat arsye;

– Me të drejtë i akuzonin partitë që marrëveshjet qeverisëse po i bazojnë në pazare për kulaçin e pushtetit e jo në program e parime, sot po e shihni se si i kanë shndërruar Ministrin ë e Punëve të Brendshme dhe Presidencën në monedha pazari për po të njëjtin kulaç të pushtetit.

Është shpërfaqja e parë, por jo e fundit, e popullizmit të VV dhe LDK-së. Pazare për pushtetarët, jo mirëqenie për qytetarët. Ky mund të jetë slogani i ri i tyre.