Avdullah Hoti: Kemi lëvizje në arritjen e marrëveshjes për bashkëqeverisje

Lideri i Lëvizjes Vetëvendosje, Albin Kurti si dhe i pari i LDK-së Isa Mustafa u takuan sot përsëri për të diskutuar çështjen e arritjes së një koalicioni bashkëqeverisës.

Pavarësisht se takimi zgjati përsëri disa orë, ngjashëm me atë mbrëmë marrëveshja nuk u arrit as sot.

Por siç duket dy partitë më në fund po arrijnë drejtë marrëveshjes. Pasi thuajse të gjithë sonte janë deklaruar më pozitiv sa i përket përafrimit të qëndrimeve.

I fundit që u shpreh ngjashëm është edhe Avdullah Hoti nga LDK. Hoti tha se ka lëvizje në arritjen e marrëveshjes në mes dy partive, transmeton Indeksonline.

Gjithashtu ai ceku faktin se nesër do të takohen përsëri.

Vetëvendosje e LDK ka muaj që po diskutojnë një koalicion të mundshëm, por ndarja e posteve udhëheqëse i ngatërroi matematikat, duke mos-arritur kështu deri në formimin e mundshëm.

Postimi i plotë:

Kemi lëvizje në arritjen e marrëveshjes për bashkëqeverisje në mes të dy partive.

Nesër takohemi prapë.