Dikur futbollist, sot ministër në kabinetin e qeverisë “Kurti”

Në seancën e së hënës në Kuvendin e Kosovës, u votua Qeveria e re e drejtuar nga lideri i Lëvizjes Vetëvendosje.

Në kabinetin e tij qeveritar, Kurti ka zgjedhur të ketë 15 ministra dhe 33 zëvendësministra.

Ndër ministrat, do të jetë edhe Arben Vitia, i cili më parë në Komunën e Prishtinës e ka drejtuar me sukses Drejtorinë e Shëndetësisë.
Por, shumë pak nga e kemi ditur që Vitia më herët ka qenë edhe futbollist.

Kështu të paktën thotë trajneri i mirënjohur kosovar, Emin Bajrami.

Bajrami përmes një postimi në Facebook e ka uruar ministrin e ri të Shëndetësisë për postin e tij në qeverinë “Kurti”, derisa ka shtuar se ai dikur ishte edhe futbollist i mirë.