Grenelli ripërsërit në Twitter: Taksa duhet të hiqet!

I dërguari i posaçëm i presidentit amerikan për dialogun, Richard Grenell, ka ripërsëritur se taksa duhet të hiqet në mënyrë që t’u hapet rrugë investimeve.

Ai përmes një postimi në Twitter, tha se kjo është bazike. “Taksa duhet të hiqet në mënyrë që investimet të zhvillohen. Është bazike”.

Grenelli ripostoi statusin e koordinatorit në Zyrën për sfidat e mijëvjeçarit, Petrit Selimi, i cili njoftoi se do të bëhen investime të mëtejshme nga SHBA-ja për Kosovën.

“Investime të mëtejshme në Kosovë nga @MCCgov planifikuar në buxhetin e Donald Trumpit. Marrëveshja kompakte pritet të sigurojë një nxitje të madhe për infrastrukturën energjetike dhe të mundësojë partneritete publiko-private që sjellin rritje ekonomike në Kosovë”, ka shkruar Selimi.

Grenelli tha se taksa duhet të hiqet, ndërsa reciprociteti nuk duhet aplikuar.