Vdes 41 vjeçari, konsumonte çdo ditë nga një pije energjike

Një grua ka treguar se si ka vdekur bashkëshorti i saj, pasi që i njëjti kishte shprehi të konsumoj pije energjike që ta mbanin zgjuar gjatë turnit të natës.

Për John Reynolds, pirja e pijeve energjike gjatë kohës sa ai shkonte në punë në ndërrimin e natës dukej gjë e mirë, pasi që kjo i ndihmonte atij të qëndroj pa gjumë natën, shkruan The Sun- transmeton Indeksonline.

Është bashkëshkortja e Reynolds-it, 41 vjeçar, Cassondra nga California ajo që ka treguar se si bashkëshorti i saj kishte pësuar arrest kardiak, si pasojë e konsumimit të tepërt të pijeve energjike.

Ajo një ditë në mëngjes sapo ishte zgjuar kishte vënë re se bashkëshorti i saj kishte probleme me frymëmarrje dhe shumë shpejtë kishte thirrë shërbimin e emergjencës.

Pas dërgimit në Spital të Reynolds mjekët kishin konstatuar se ai kishte pësuar arrest kardiak dhe për pasojë kishte kaluar në koma.

Pas disa javësh, mjekët konstatuan se babai i 3 fëmijëve nuk mund të mbijetoj më pasi që truri i tij kishte pushuar së funksionuari.

Çifti kishin 10 vite së bashku dhe kishin tre djemë të moshave, pesë, gjashtë dhe tetë vjeçar.

Cassondra ka tërhequr vëmendjen tek të gjithë konsumuesit e pijeve energjike që të jenë të kujdesshëm pasi që konsumimi i tyre është shumë i rrezikshëm mund të sjellë fatalitet./Indeksonline/