A do të lehtësohen masat për festat e fundvitit?

Bazuar në trendin aktual të infektimeve me koronavirus në vendin tonë si dhe festat e fundvitit, komunat dhe bizneset e shohin të nevojshme lehtësimin e masave kufizuese kundër Covid 19. Po kërkohet që të hiqet ora policore dhe maskat në ambient të hapur, si dhe lehtësime për bizneset.

U bën muaj që në vendin tonë ka një numër të vogël të rasteve të infektimit me koronavirus.

Marrë parasysh gjendjen e tanishme me Covid-19, Asociacioni i Komunave të Kosovës kërkon që për festat e fundvititt të ketë heqje të orës policore si dhe të maskave në ambient të hapur.

Lirim të masave në kohë feste po kërkon edhe Shoqata e Turizmit Malor.

“Kjo fushë është shumë e ndjeshme dhe janë festat e fundvitit dhe janë pushimet e fëmijëve dhe qeveria s’i ka nda gjëra siç duhet”.

“Hoteleria ka dy vjet që është e diskriminuar”.

Në ASK thonë se institucionet duhet të bëjnë më shumë në rritjen e numrit të të vaksinuarve.

Një ditë më parë hynë në fuqi masat e reja kufizuese kundër covid-19 të cilat hasën në kundërshtimin e bizneseve./RTV21