12:11 / E Martë, 12 Nëntor 2019

A duhet vërtet menjëherë pas stëvitjeve, të vrapojmë për një racion proteinash?

Çfarë të hamë para dhe pas trajnimeve është temë e shpeshtë diskutimi e ushtruesve, aq më parë i atyre, të cilët përpiqen të arrijnë të bëhen figura të mira.

Vite të tëra tashmë është i ngulitur qëndrimi se racioni i proteinave në trup patjetër duhet të futet sapo të përfundojë trajnimi.

Mirëpo, në kohët e fundit gjithnjë e më shumë po hulumtohet rreth kësaj teme, ndërkaq ne në vazhdim ju sjellim çfarë sot konsiderohet mënyrë e drejtë e ushqimit para dhe pas trajnimit.

Kur është i rëndësishëm racioni pas trajnimit?

Faktor i rëndësishëm lidhur me racionin pas trajnimit është racioni të cilin e keni përgatitur apo nuk e keni përgatitur më parë. Për ata të cilët shkojnë në palestër me lukth të zbrazët, racioni pas trajnimit ka rëndësi të madhe.

Futja e së paku 30 gramëve proteina në organizëm pas trajnimit i ndihmon rritjes së muskujve në procesin katabolik, i cili atëherë ndodh në organizëm.

Kur racioni pas trajnimit është më pak i rëndësishëm?

Për ata të cilët parapëlqejnë të hanë racionin e tyre para trajnimit, ndërkaq në të kanë përfshirë proteina, ajo që do të hanë dhe kur do të hanë pas trajnimit bëhet më pak e rëndësishme.

Amino-thartirat e rëndësishme ende mbesin në organizëm edhe pas racionit të parë, andaj trupi ende do të ketë përbërës të rëndësishëm për këndellje pas trajnimit.