A mund të ndihmojë aspirina për trajtimin e kancerit?

Gjithnjë e më shumë studime po tregojnë për përfitimet e shtimit të aspirinës në trajtimin konvencional të kancerit. Një rishikim i ri shqyrton këtë hulumtim në dispozicion dhe e parashtron pyetjen: A është “koha për të ndarë provat dhe vendimmarrjen me pacientët?”

A mund të ndihmojë një pilulë e thjeshtë e aspirinës për trajtimin e kancerit?

Peter Elwood, nga Instituti Cochrane i Kujdesit Parësor dhe Shëndetit Publik në Universitetin Cardiff në Mbretërinë e Bashkuar, është drejtuesi dhe autori korrespondues i analizës së re, e cila u botua në revistën ‘PLOS One’.

“Përdorimi i aspirinës me dozë të ulët si një parandalues në sëmundjet e zemrës, sulmit dhe kancerit është vendosur mirë, por tani del në shesh se kjo ilace mund të ketë një rol të vlefshëm në trajtimin shtesë për kancer”, tha Elwood, transmeton Indeksonline.

Në të vërtetë, në vitin 2012, tre studime të publikuara në revistën The Lancet sugjeruan se një marrje e përditshme e aspirinës mund të parandalojë një seri kanceresh në njerëzit e moshës së mesme.

Gjithashtu, vitin e kaluar, ‘Medical News Today’ raportoi për një studim tjetër që zbuloi se aspirina rrit efektivitetin anti-kancer në minj.
Në këtë kontekst, Elwood dhe ekipi nisën të shqyrtonin përfitimet e marrjes së aspirinës në trajtimin e kancerit./Indeksonline/