AAK-ja mblidhet në orën 12:00, a do ta vazhdojnë qëndrimin në Qeveri?!

Aleanca për Ardhmërinë e Kosovës pritet që në orën 12:00 të mbledhë kryesin e ngushtë të partisë.

Pa dyshim se arsyeja e takimit është situata e krijuar brenda koalicionit dhe kundërshtimet që AAK-ja ka për kryeministrin, Avdullah Hoti, transmeton Indeksonline

Ndryshe, kryetari i AAK-së Ramush Haradinaj është shprehur i pakënaqur me veprimet e partnerit të koalicionit qeverisës rreth mospjesëmarrjes së zyrtarëve të kësaj partie në takimet e kryeministrit Avdullah Hoti, në procesin e dialogut.

Ai ka thënë se nuk është në rregull të shkojë Hoti në takime me koordinatorin shtetëror për dialogun Skënder Hysenin e jo me njerëz të AAK-së, me të cilën LDK-ja është në koalicion.

“Nuk është në rregull që Hoti të hyjë në takim pa një përfaqësues të AAK-së. Është e pakuptimtë të vazhdohet në këtë mënyrë”, ka thënë ai. /Indeksonline/