AAK-ja nënshkruan zotimin për përfshirje të çështjeve për të drejtat e personave me aftësi të kufizuara

Aleanca për Ardhmërinë e Kosovës nënshkroi deklaratën e zotimit, që në praktikat qeverisëse do të përfshijë çështjet që kanë të bëjnë me të drejtat e personave me aftësi të kufizuara.

Njoftimi u bë i ditur nga vet AAK-ja, përmes një postimi në Facebook

“Deklarata është nënshkruar me qëllim të krijimit të kushteve të barabarta dhe sigurimit të një jetese të pavarur dhe të dinjitetshme për të gjithë”, thuhet në njoftim.

Në deklaratë shkruan si në vijim:

Ne do të prioritizojmë kërkesat si më poshtë:

Plotësim-ndryshimi i Ligjit për Ndërtim, i cili do të rregullojë qasshmërinë për personat me aftësi të kufizuara;

Nxjerrja e Aktit nënligjor për rehabilitimin e personave paraplegjik dhe tetraplegjik, bazuar në Ligjin për Statusin dhe të Drejtat e Personave Paraplegjik dhe Tetraplegjik;

Lirimi nga zhdoganimi i automjeteve të përshtatura nga taksa e importit, përfshirë TVSH-në për personat me aftësi të kufizuara, kujdestarët e tyre dhe shoqatat e licencuara, që ofrojnë shërbime për persona me aftësi të kufizuara;

Sigurimi i Kodit Buxhetor për financimin e organizatave të personave me aftësi të kufizuara, në Ligjin për buxhet.