Abdixhiku: E ardhmja është digjitale!

Kryetari i Lidhjes Demokratike të Kosovës, Lumir Abdixhiku, ka vizituar sot “Deep Space” në Prishtinë, i shoqëruar nga bashkëpartiakë dhe kryetari i kryeqytetit, Përparim Rama.

Abdixhiku ka bërë me dije se gjatë këtij takimi u bisedua mbi teknologjinë dhe inteligjencën artificiale, shkruan IndeksOnline.

“Përmes saj, Kosova mund ta bëjë kapërcimin e madh dhe ta zërë hapin me Evropën, edhe pse na thonë se jemi 80 vite mbrapa.

Në botën digjitale koha nuk ecë ngadalë; përshpejton. Një brez i vendosur mund ta ndryshojë një vend” u shpreh Abdixhiku.

Me këtë rast, ai tha se në qeverisje do të jetësojnë Ministrinë e Digjitalizimit dhe trajnimin e 40 mijë të rinjve në ICT.

Ky është postimi i plotë i tij:

E ardhmja është digjitale!

Sot në DeepSpace Prishtinë folëm për teknologjinë, inteligjencën artificiale dhe për një të vërtetë të thjeshtë: teknologjia është dritarja jonë e kohës. Përmes saj, Kosova mund ta bëjë kapërcimin e madh dhe ta zërë hapin me Evropën, edhe pse na thonë se jemi 80 vite mbrapa.

Në botën digjitale koha nuk ecë ngadalë; përshpejton. Një brez i vendosur mund ta ndryshojë një vend.

Jemi popull i ri.

Kemi dije të reja.

Kjo është përparësia jonë e madhe.

Ne kemi plan të qartë: Ministrinë e Digjitalizimit dhe trajnimin e 40 mijë të rinjve në ICT. Për vende pune të reja, ekonomi të re dhe një shtet që funksionon në botën digjitale.

E ardhmja është e bukur.