Abdixhiku: Jemi partia e parë në vend me vota nga diaspora

Kryetari i Lidhjes Demokratike të Kosovës (LDK), Lumir Abdixhiku, ka falënderuar mërgatën pas rezultateve të numërimit të votave jashtë vendit, ka partia e tij ka dalë më e votuara në zgjedhjet lokale.

Abdixhiku ka theksuar se LDK ka marrë 30.25% të votave nga jashtë, duke e cilësuar këtë si rezultatin më të mirë lokal të partisë që nga shpallja e pavarësisë.

Njoftimi i tij i plotë:

JU FALEMINDERIT MËRGATË!

Ju kujtohet zhurma e madhe para disa muajve rreth mbështetjes për LDK-në nga mërgata? Ja ku jemi sërish, tetë muaj pas, mërgata foli prapë dhe foli qartë!

LDK del e para me votat nga jashtë!

Plot 30,25%, nga gati 30 mijë votues nga jashtë i kanë dhënë mbështetje LDK-së; duke rikonfirmuar edhe një herë se puna e vazhdueshme e lidhja e drejtë që kemi mbysin secilën zhurmë.

Të 8,093 votuesve tanë, ju themi faleminderit! Ky është rezultati me i mirë lokal që LDK merr nga mërgata që mga shpallja e pavarësisë.

Jemi krenar.

Jemi mirënjohës.

Ky rezultat është dëshmi e besimit të madh që mërgimtarët tanë kanë ndaj vlerave, vizionit dhe politikës sonë të përgjegjshme. Ěshtë tregues se besimi mbytë zhurmën, ideali e zhbën propagandën, e Lidhja i qëndron kohës.

Le të vazhdojmë!