Abdixhiku: Kosovës i shtohen 14 milionë € humbje të Telekomit, punësimi familjar vazhdon!

Punësimet familjare të personaliteteve politike në Post Telekomin e Kosovës, ka qenë njëra ndër temat aktuale të këtyre ditëve.

Në një postim në Facebook, deputeti i LDK-së, Lumir Abdixhiku ka shkruar se shpenzimeve të Kosovës, tani i janë shtuar edhe 14 milionë euro humbje të Telekomit vetëm sivjet, transmeton Indeksonline.

Më poshtë postimi i Abdixhikut:

Në Kosovën e PAN-it:

– 53 milionëve të Bechtelit;
– 52 milionëve të ujit;
– 49 milionëve të listave fallce;
– 16 milionëve të rezervës shtetërore;
– 10 milionëve të zv/ministrave me këshilltarë;

I shtohen edhe 14 milionë euro humbje të Telekomit vetëm sivjet. Punësimi familjar aty vazhdon.

Gati 200 milionë euro të shpërdoruara publikisht për një vit e gjysmë PAN. Sa shumë gjëra do të viheshin në binarë me kaq para. /Indeksonline/