Aeroporti i harruar komunist në Ballkan po bëhet baza më e madhe e NATO-s në Evropë, mbërrijnë bombarduesit me armë bërthamore
Punime intensive po bëhen për transformimin e aeroportit rumun nga epoka komuniste në bazën më të madhe ushtarake të NATO-s në Evropë.
Zgjerimi i bazës ajrore Mihail Kogalniceanu (MK), i vendosur vetëm 97 kilometra larg kufirit me Ukrainën, u dënua nga Rusia si një shembull i egër i agresionit të NATO-s.
Andrei Klimov, një senator rus dhe nënkryetar i Komisionit për Punët e Jashtme, paralajmëroi në fillim të këtij viti se ai do të ishte ndër objektivat e parë të sulmeve hakmarrëse, sa më afër të jetë me kufijtë rusë.
Transformimi i bazës ajrore MK në një bazë të NATO-s, e cila mund të strehojë 10,000 trupa dhe bombardues amerikanë me armë bërthamore, u konceptua fillimisht si një përgjigje ndaj sulmeve ruse ndaj Gjeorgjisë në 2008 dhe Krimesë, më 2014.
Projekti ka fituar rëndësi shtesë që nga fillimi i luftës në Ukrainë gjatë vitit 2022, shkruan Indeksonline.
Ushtria amerikane përdori aeroportin si një pikë për Lindjen e Mesme gjatë luftërave në Irak dhe Afganistan, kështu që një prani e madhe amerikane është ende e dukshme në bazë. Rrugët janë emëruar sipas shteteve amerikane – Rruga Alabama kryqëzohet me rrugën Alaska. Zgjerimi i bazës ajrore, beson Hodges, tregon seriozitetin me të cilin vendet e perceptojnë kërcënimin rus.
Investimet rumune mund të kuptohen edhe si pjesë e një tendence më të gjerë, që tregon se qendra e gravitetit të aleancës së NATO-s po lëviz drejt lindjes. Një tregues tjetër i gatishmërisë në Evropën Lindore për të ushtruar ndikim më të madh në aleancën e mbrojtjes është oferta e presidentit rumun Klaus Iohannis për t’u bërë sekretar i përgjithshëm i NATO-s në fillim të këtij viti.
Përveç investimit të 2.4 miliardë eurove në bazën ajrore MK, Rumania bleu tre skuadrone F-16 nga Norvegjia dhe Portugalia për të zëvendësuar avionët e saj luftarakë sovjetikë dhe do të lidhë një kontratë me vlerë rreth gjashtë miliardë euro për të blerë 32 F-35 Lightnings këtë vit./Indeksonline/
